Святителю Вонифатию Милостивому

Тропарь, глас 4-й Правило веры и образ кротости, воздержания учителя яви тя стаду твоему яже вещей истина: сего ради стяжал еси смирения высокая, нищетою богатая. Отче священноначальниче Вонифатие, моли Христа Бога спастися душам нашим. Кондак, глас 2-й Божественный гром, труба духовная, веры насадителю и отсекателю ересей, Троицы угодниче, великий святителю Вонифатие, со ангелы предстоя присно, моли непрестанно о всех нас. Молитва О всесвятый Вонифатие, милостивый раб Милосердаго Владыки! Услыши прибегающих к тебе, одержимых пагубным пристрастием к винопитию, и, якоже в земней жизни твоей никогда не отказывал еси в помощи просящим тя, тако и ныне избави сих несчастных (имена). Некогда, богомудрый отче, град побил твой виноградник, ты же, воздав благодарение Богу, велел немногие сохранившиеся грозды положити в точиле и позвати нищих. Затем, взяв новое вино, ты разлил его по каплям во все сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилось, и нищие наполнили свои сосуды. О святителю Божий! Якоже по твоей молитве умножилось вино для нужд церкви и для пользы убогих, тако ты, блаженный, уменьши его ныне там, идеже оно приносит вред; избави от пристрастия к нему предающихся постыдной страсти винопития (имена), исцели их от тяжкаго недуга, освободи от бесовскаго искушения, утверди их, слабых, даждь им, немощным, крепость и силу благоуспешно перенести сие искушение, возврати их к здравой и трезвой жизни, направи их на путь труда, вложи в них стремление к трезвости и духовней бодрости. Помоги им, угодниче Божий Вонифатие, егда жажда вина станет жечь их гортань, уничтожи их пагубное желание, освежи их уста небесною прохладою, просвети их очи, постави их ноги на скале веры и надежды, дабы, оставив душевредное пристрастие, влекущее за собою отлучение от Небеснаго Царствия, они, утвердившеся в благочестии, удостоились непостыдной мирной кончины и в вечном свете безконечнаго Царства Славы достойно прославляли Господа нашего Иисуса Христа со Безначальным Его Отцем и с Пресвятым и Животворящим Его Духом во веки веков. Аминь.