Молитва в день рождения

Господи Боже, Владыка всего мира видимого и невидимого! От Твоея святыя воли зависят вси дни и лета жизни моея. Благодарю Тя, премилосердный Отче, яко сподобил еси мя прожити еще един год; вем, яко по грехом моим недостоин есмь сея милости, но Ты подаеши ю по неизреченному человеколюбию Твоему. Продли и еще милости Твоя мне, грешному: продли жизнь мою в добродетели, тишине и здравии, в мире со сродники и в согласии со ближними. Подаждь ми изобилие плодов земных и вся, яже к потребам жизни моея нужны. Наипаче же очисти совесть мою, укрепи мя на пути спасения, да, шествуя по нему, по многолетней в мире сем жизни прейду в жизнь вечную и сподоблюся быти наследником Царствия Твоего Небеснаго. Сам, Господи, благослови начинаемый мною год и вся дни жизни моея. Аминь.