Молитва в болезни

Господи Боже, Владыко живота моего, Ты по благости Твоей рекл еси: не хощу смерти грешника, но еже обратитися ему и живу быти. Вем, яко болезнь сия, еюже стражду, есть наказание Твое за грехи и беззакония моя; вем, яко по делом моим достоин есмь тягчайшаго наказания. Но, Человеколюбче, сотвори со мною не по злобе моей, но по безпредельному милосердию Твоему. Не восхощи смерти моей, но даруй ми силу терпеливо понести болезнь, яко заслуженное мною испытание, и по исцелении от нея обратитися всем сердцем, всею душею и всеми чувствы моими к Тебе, Господу Богу, Создателю моему. Да живу во исполнение святых Твоих заповедей, во спокойствие сродников моих и во спасение души моея. Аминь.