Молитва перед чтением духовных книг

Господи Иисусе Христе, отверзи очи сердечныя моя, да, услышав Слово Твое, уразумею е и исполню святую волю Твою. Не скрый от мене заповедей Твоих, но отверзи очи моя, да уразумею чудеса от закона Твоего. Скажи ми безвестная и тайная премудрости Твоея. На Тя уповаю, Боже мой, и верую, яко Ты просветиши ум мой и смысл светом разума Твоего, да не токмо прочту написанное, но и исполню е. Соделай, да не в грех себе жития святых и Слово Твое прочитаю, но во обновление и просвещение, и во святыню, и во спасение души, и в наследие жизни вечныя. Ибо Ты, Господи, просвещение лежащих во тьме, и от Тебе есть всякое даяние благое и всяк дар совершен. Аминь.