Молитва о спасении державы Российской и утолении в ней раздоров и нестроений

(Святителя Тихона, Патриарха Московского и всея Руси) Молитва Господи Боже, Спасителю наш! К Тебе припадаем сокрушенным сердцем и исповедуем грехи и беззакония наши, которыми раздражили Твое благоутробие и затворили щедроты Твои. Отступили бо от Тебе, Владыко, и заповедей Твоих не соблюли, ни сотворили, якоже заповедал Ты нам. Сего ради нестроением поразил Ты нас, и дал Ты нас на попрание врагам нашим, и ума лишились паче всех народов, и стали в притчу и поношение соседям нашим. Боже великий и дивный, каяйся о злобах человеческих, возводящий низверженных и утверждающий низпадающих! Небесную Твою силу с небес ниспошли, уврачуй язвы душ наших и воздвигни нас от одра болезни, яко наполнились расслаблением чресла наши, яко болеем неправдою и рождаем беззаконие. Утоли шатания и раздоры в земле нашей. Отжени от нас зависти и рвения, убийства и пьянства, разжения и соблазны. Попали в сердцах наших всякую нечистоту, вражду и злобу, да паки возлюбим друг друга и едино пребудем в Тебе, Господе и Владыце нашем, якоже повелел Ты и заповедал Ты нам. Помилуй нас, Господи, помилуй нас, яко исполнились уничижения и не достойны возвести очи наши на небо. Помяни милости, яже показал Ты отцам нашим, преложи гнев Твой на милосердие и даждь нам помощь от скорби. Молит Тя Твоя Церковь, представляющи Тебе ходатайство другов Твоих: преподобных и богоносных отцов наших Сергия Радонежского и Серафима Саровского, Петра, Алексия, Ионы, Иова, Филиппа, святителей Московских, священномученика Ермогена, страстотерпца Царя Николая, страстотерпицы Царицы Александры, Царевича Алексия, великих княжен Ольги, Татианы, Марии, Анастасии, и верных слуг их, наипаче святителя Тихона, Патриарха Московского, исповедника, преподобномученицы великой княгини Елисаветы, и всех святых в земле нашей просиявших, изряднее же Пресвятой Богородицы и Приснодевы Марии, от лет древних покрывавшей и заступавшей страну нашу. Вразуми всех, иже во власти суть, и возглаголи в них благое о Церкви Твоей и о всех людях Твоих. Силою Креста Твоего укрепи воинство наше и избави их от всякого навета вражия. Воздвигни нам мужей силы и разума, и дай всем нам Духа премудрости и страха Божия, Духа крепости и благочестия. Господи, к Тебе прибегаем, научи нас творити волю Твою, яко Ты еси Бог наш, яко у Тебе источник живота, во свете Твоем узрим свет. Продли милость Твою ведущим Тебя во веки веков. Аминь.