Дивны дела Твои, Господи, и величию Твоего разума нет конца! Коль многообразными и неисследимыми стезями преводишь Ты люди Свои в веке сем от дольнего мира к горнему! Разоряешь ибо премудрость премудрых, отвергаешь разум разумных, высокие и гордые расточаешь и смиряешь, сильные и доброродные низлагаешь и посрамляешь; буйные же и смиренные, уничиженные, немощные и худородные избираешь, возвышаешь, укрепляешь и прославляешь, открывая премудрые и благие советы всепромыслительного смотрения Твоего младенцам и утаивая их от тех, которые о себе мнятся быть совершенными умами своими. Кто доволен есть уразуметь все судьбы Твои, Боже, которыми, по богатству благости Своей и долготерпения, вразумляешь, научаешь и спасаешь нас грешных и недостойных рабов Твоих? Одному прилагаешь смышление и даруешь здравое рассуждение, другого же обуяешь, у одного исторгаешь сердце каменное и влагаешь плотяное; одному ниспосылаешь крепость и бодрость телесную, вкупе же и мужество душевное; другому же болеть душею и телом попускаешь; одного радуешь, другому же печаловаться хочешь; одного живешь, другого же мертвишь. О, великий и неисповедимый в тайнах Своего смотрения о нас, Господи Боже наш! Вем и от всего сердца исповедую пред Тобою, что и со усопшим (-шею) приснопоминаемым (-мою) мною рабом Твоим (рабою Твоею) (имя), не без премудрого и благаго изволения и смотрения Твоего было сокрушительный недуг душевный, которого истинная вина и вся сила Тебе Единому только ведома суть: темже благоговейно повергаясь пред Твоими, Господи, неизреченными, но выну спасительными судьбами, со умилением вопию Тебе: приклони ухо Твое к молению моему и человеколюбию вонми мне, и скоро услыши молитву мою о сем рабе Твоем (Твоей). Недоумеваю ибо и зело скорблю о необычайных судьбах его (её), ибо, не как иные человеки смысленные, самосознательные и твердые в памяти, отошел к Тебе от нас, но как лишенный (-ная) ума, извращенный в смысле, болезненно опечаленный (-ная) сердцем, не имеющий самообладательной силы своего изволения, неистово и свирепо являющийся в деяниях своих. Господи! Господи! Что сие есть неудоборазумеваемое некое в душевной жизни человеческой явление? Как созданный по образу и по подобию Твоему впадает в крайнее неразумие, безумствует, неистовствует и содевает неподобное? Что убо сие есть с дыханием жизни Твоей, Боже Вседержителю? Воистину, по Твоим, Господи, неисследимым путям и неизреченным советам все сие премудро и благим намерением Тобою устрояются: наводишь ибо, как привременное наказание, и попускаешь толикие нестроения и превращения в чудном составе существа нашего, да сокровенными у Тебе тако путями устроишь, возставишь и исправишь все стропотные и развращенные, которые нерассудным, злым и лукавым обычаем учинены суть, и тако видимые злые у человек, у Тебе, Всеблагий Владыко, приснотекущий Источник Премудрости и разума, у Тебе обращаются во благое. Того ради смиренно припадая к неистощимым щедротам Твоим, Человеколюбче Спасе наш, молю Тебя, Подателю благих, приими усопшего (-ую) раба Твоего (рабу Твою) (имя), как тако люто болезновавшего (-ую) и страдавшего (-ую) в житии сем, приими милостию Твоею, да не пробавишь, Блаже, и тамо, во стране отшедших от нас братьев наших, стужения и страдания его (её), которые суть безмерно лютейшие нежели зде земные; но отврати от него (неё) прещение гнева Твоего и воззри на него (на неё) пресветлым оком милосердия Твоего; но не предай люто погибнуть во веки, ибо и Сам, Премилосердый Спасе, не хочешь смерти грешника, не хочешь, да кто погибнет, Сладчайший Иисусе Христе, Сыне Божий, исцеляющий неисцельно-недугующих телом, прокаженных очищающий и бесных творящий смыслящими! Молю Тебя, Господи, исцели душу усопшего (-шей) раба Твоего (рабы Твоей) (имя), очисти его (её) от всех вольных и невольных, ведомых и неведомых прегрешений и грехопадений его (её), Сам, Спасе, очисти, как не возмогшего разумно и в здравой памяти исповедаться Тебе в них, того ради умилосердись о нем (о ней), Господи, и возьми от него (от неё) все тяжкое бремя грехов. Вземляющий грехи мира! Покрой и оправдай его (её) Своею благодатию, и, которыми веси судьбами. Спаси раба (-бу) Твоего (-ю) от избранных Твоих, но сподоби общником (-цею) быть и небесных ликостояний, как убогого (-ую) раба Твоего (рабу Твою), который (которая) зде на земли отлученный (-ая) и отчужденный (-ая) себе имел от сродников своих, друзей и ближних, и не лиши его Небесного Твоего Царствия, как лишенного (-ную) зде на земли видеть благое Твое и оставленного (-ную) влачить дни свои исполнением горькоплачевных деяний: того ради, молю Тебя, Господи, упокой его (её) со святыми Твоими в Дому Отца Твоего, с Нимже Тебе, Избавителю и Жизнодавцу нашему, купно со Пресвятым Твоим Духом славу возсылаем всегда, ныне и всегда и во веки веков. Аминь.
Дивна дела Твоя, Господи, и величию Твоего разума несть конца! Коль многообразными и неизследимыми стезями преводиши Ты люди Своя в веце сем от дольняго мира к горнему! Разоряеши бо премудрость премудрых, отвергаеши разум разумных, высокия и гордыя расточаеши и смиряеши, сильныя и доброродныя низлагаеши и посрамляеши; буия же и смиренныя, уничиженныя, немощныя и худородныя избираеши, возвышаеши, укрепляеши и прославляеши, открывая премудрые и благие советы всепромыслительного смотрения Твоего младенцам и утаевая их от тех, иже о себе мнятся быти совершени умы своими. Кто доволен есть уразумети вся судьбы Твоя, Боже, имиже, по богатству благости Своея и долготерпения, вразумляеши, научаеши и спасаеши нас грешных и недостойных рабов Твоих? Овому прилагаеши смышление и даруеши здравое разсуждение, оваго же обуяеши, у оваго исторгаеши сердце каменно и влагаеши плотяно; овому ниспосылаеши крепость и бодрость телесну, вкупе же и мужество душевно; овому же болети душею и телом попускаеши; оваго радуеши, овому же печаловатися хощеши; оваго живиши, оваго же мертвиши. О, великий и неисповедимый в тайнах Своего смотрения о нас, Господи Боже наш! Вем и от всего сердца исповедую пред Тобою, яко и со усопшим (-шею) приснопоминаемым (-мою) мною рабом Твоим (рабою Твоею) (имя), не без премудраго и благаго изволения и смотрения Твоего бысть сокрушительный недуг душевный, егоже истинная вина и вся сила Тебе Единому точию ведома суть: темже благоговейно повергаяся пред Твоими, Господи, неизреченными, но выну спасительными судьбами, со умилением вопию Ти: приклони ухо Твое к молению моему и человеколюбие вонми ми, и скоро услыши молитву мою о сем рабе Твоем (Твоей). Недоумеваю бо и зело скорблю о необычайных судьбах его (ея), зане, не якоже инии человецы смысленнии, самосознательни и тверди в памяти, отьиде к Тебе от нас, но яко лишен (-на) сый ума, извращен в смысле, болезненно опечалован (-на) сердцем, не имеяй самообладательныя силы своего изволения, неистово и свирепо являющися в деяниях своих. Господи! Господи! Что сие есть неудоборазумеваемое некое в душевней жизни человечестей явление? Како созданный по образу и по подобию Твоему впадает в крайнее неразумие, безумствует, неистовствует и содевает неподобная? Что убо сие есть с дыханием жизни Твоея, Боже Вседержителю? Воистинну, по Твоим, Господи, неизследимым путям и неизреченным советам вся сия премудро и благим намерением Тобою устрояются: наводиши бо, яко привременное наказание, и попускаеши толикая нестроения и превращения в чудном составе существа нашего, да сокровенными у Тебе тако путями устроиши, возставиши и исправиши вся стропотная и развращенная, яже неразсудным, злым и лукавым обычаем учинена суть, и тако видимая злая у человек, у Тебе, Всеблагий Владыко, приснотекущий Источниче Премудрости и разума, у Тебе обращаются во благая. Того ради смиренно припадая к неистощимым щедротам Твоим, Человеколюбче Спасе наш, молю Тя, Подателю благих, приими усопшаго (-ую) раба Твоего (рабу Твою) (имя), яко тако люте болезновавшаго (-ую) и страдавшаго (-ую) в житии сем, приими милостию Твоею, да не пробавиши, Блаже, и тамо, во стране отшедших от нас братий наших, стужения и страдания его (ея), яже суть безмерно лютейша неже зде земная; но отврати от него (нея) прещение гнева Твоего и воззри на него (на ню) пресветлым оком милосердия Твоего; но не предаждь люте погибнути во веки, зане и Сам, Премилосердый Спасе, не хощеши смерти грешника, не хощеши, да кто погибнет, Сладчайший Иисусе Христе, Сыне Божий, исцеляяй неисцельно-недугующих телом, прокаженных очищаяй и бесных творяй смыслящими! Молю Тя, Господи, исцели душу усопшаго (-шия) раба Твоего (рабы Твоея) (имя), очисти его (ю) от всех вольных и невольных, ведомых и неведомых прегрешений и грехопадений его (ея), Сам, Спасе, очисти, якоже не возмогшаго разумно и в здравой памяти исповедатися Тебе в них, того ради умилосердися о нем (о ней), Господи, и возьми от него (от нея) все тяжкое бремя грехов. Вземляй грехи мира! Покрый и оправдай его (ю) Своею благодатию, и, имиже веси судьбами. Спаси раба (-бу) Твоего (-ю) от избранных Твоих, но сподоби общником (-цею) быти и небесных ликостояний, яко убогаго (-ую) раба Твоего (рабу Твою), иже (яже) зде на земли отлученна (-у) и отчужденна (-у) себе имяше от сродников своих, другов и ближних, и не лиши его Небеснаго Твоего Царствия, яко лишенна (-ну) зде на земли видети благая Твоя и оставлнна (-ну) влачити дни свои исполнении горькоплачевных деяний: того ради, молю Тя, Господи, упокой его (ю) со святыми Твоими в Дому Отца Твоего, с Нимже Тебе, Избавителю и Жизнодавцу нашему, купно со Пресвятым Твоим Духом славу возсылаем всегда, ныне и присно и во веки веков. Аминь