Господи, Господи! как неизбежен, как страшен нелицеприятный и неизменимо-вечный Суд Твой! В великом и притрепетном смущении дух наш мятется, сердце содрогается и истаевает, как воск, от единого возвещения Твоего непреложного глагола о последнем Суде; немотствует язык от единого ожидания гласа последней трубы Архангела, имеющей возбудить от мертвых и воззвать от живых на Страшный Суд Твой от востока и запада, от севера и юга. О, воистину страшен день тот, в который придешь, Боже, на землю во славе с Ангелами и всеми святыми! Горние и дольние все предстанут тогда со страхом и трепетом и полчища преисподних вострепещут пред Тобою, Судья мира сего; небо и землю призовешь на Суд, судить вселенную в правде и истине! Страшен день тот, в который престолы поставятся, книги разгнутся, и явные и тайные наши деяния, слова и помышления обличатся пред Тобою, пред Ангелами и человеками, вместе же и осудятся: ничто же, Господи, у Тебя сокровенно, что тогда не откроется, и тайно, что не узнано будет. Кто сможет, Судья мира сего, устоять тогда пред лицом Твоим и целым миром горним и дольним! Если праведник едва спасется, нечестивый и грешный как постоит? И кто же заступит за нас, если не Твое милосердие, Господи? Куда убежим от праведного Суда Твоего? О, пощади, пощади тогда нас и отшедшего (-ую) к Тебе приснопоминаемого (-ую) нами раба Твоего (рабу Твою) (имя) и не осуди его (её) тогда на вечное мучение по грехам его (её). Благоволи же, Премилосердый Господи, принять в небесный и мысленный Твой жертвенник наши жертвы за него (неё) - молитвы наши и милостыни, как кадило благовонное, вместе с молитвами и бескровным священнодействием пастырей Святой Твоей Церкви, да не постыдится пред Тобою, пред Ангелами и целым миром усопший (-шая) раб Твой (раба Твоя). Услыши нас, Боже наш, и не отринь до конца; видь коленопреклоненных, повергшихся долу пред Тобою, Господи; услыши просящих Твоей милости и Царства Небесного усопшему (-шей) рабу Твоему (рабе Твоей). Молим Тебя, о Премилосердый и Прещедрый Иисусе, когда придешь с Ангелами Святыми Твоими судить миру, пощади, пощади тогда. Спаситель, создание Твое: образ же есть неизреченной Твоей славы. С сокрушенным сердцем молим, просим Тебя, Спаситель и Искупитель наш, не осуди раба Твоего (рабу Твою) (имя) праведным судом Твоим на вечное мучение, если достоин (-на) есть всякого осуждения и муки; не отлучи его (её) от стада избранных Твоих, но, по неизреченному милосердию Твоему, долготерпению и любви к нам грешным и недостойным рабам Твоим, ради Твоих дражайших заслуг удостой его (её), Владыка, Царствия Твоего, которое уготовал есть любящим Тебя от сложения мира, и да войдет в место упокоения, хваля всесвятое и великолепное Имя Твое, славя неизреченное милосердие Твое, величая человеколюбие и щедроты Твои, как Ты есть Бог милости и щедрот, и Тебе славу возсылаем, с безначальным Твоим Отцом, Пресвятым и Благим и Животворящим Твоим Духом, ныне и всегда и во веки веков. Аминь.
Господи, Господи! коль неизбежен, коль страшен нелицеприятный и неизменимо-вечный Суд Твой! В великом и притрепетном смущении дух наш мятется, сердце содрогается и истаевает, яко воск, от единаго возвещения Твоего непреложнаго глагола о последнем Суде; немотствует язык от единаго ожидания гласа последней трубы Архангела, имущей возбудити от мертвых и воззвати от живых на Страшный Суд Твой от востока и запада, от севера и юга. О, воистину страшен день той, в оньже приидеши, Боже, на землю во славе со Ангелами и всеми святыми! Горнии и дольнии все предстанут тогда со страхом и трепетом и полчища преисподних вострепещут пред Тобою, Судие мира сего; небо и землю призовеши на Суд, судити вселенней в правде и истине! Страшен день той, в оньже престоли поставятся, книги разгнутся, и явная и тайная наша деяния, словеса и помышления обличатся пред Тобою, пред Ангелами и человеками, вкупе же и осудятся: ничтоже бо, Господи, у Тебе сокровенно, еже тогда не открыется, и тайно, еже не уведано будет. Кто возможет, Судие мира сего, устояти тогда пред лицем Твоим и целым миром горним и дольним! Аще праведник едва спасется, нечестивый и грешный како постоит? И кто убо заступит за ны, аще не Твое милосердие, Господи? Камо убежим от праведнаго Суда Твоего? О, пощади, пощади тогда нас и отшедщаго (-ую) к Тебе приснопоминаемаго (-ую) нами раба Твоего (рабу Твою) (имя) и не осуди его (ю) тогда на вечное мучение по грехом его (ея). Благоволи убо, Премилосердый Господи, прияти в небесный и мысленный Твой жертвенник наши жертвы за него (ню) - молитвы наши и милостыни, яко кадило благовонное, вкупе с молитвами и безкровным священнодействием пастырей Святая Твоея Церкви, да не постыдится пред Тобою, пред Ангелами и целым миром усопший (-шая) раб Твой (раба Твоя). Услыши ны, Боже наш, и не отрини до конца; виждь коленопреклоненных, повергшихся долу пред Тобою, Господи; услыши просящих Твоея милости и Царства Небеснаго усопшему (-шей) рабу Твоему (рабе Твоей). Молим Тя, о Премилосердый и Прещедрый Иисусе, егда приидеши со Ангелы Святыми Твоими судити мирови, пощади, пощади тогда. Спасе, создание Твое: образ бо есть неизреченныя Твоея славы. С сокрушенным сердцем молим, просим Тя, Спасителю и Искупителю наш, не осуди раба Твоего (рабу Твою) (имя) праведным судом Твоим на вечное мучение, аще достоин (-на) есть всякаго осуждения и муки; не отлучи его (ю) от стада избранных Твоих, но, по неизреченному милосердию Твоему, долготерпению и любви к нам грешным и недостойным рабам Твоим, ради Твоих дражайших заслуг сподоби его (ю), Владыко, Царствия Твоего, еже уготовал еси любящим Тя от сложения мира, и да внидет в место упокоения, хваля всесвятое и великолепое Имя Твое, славя неизреченное милосердие Твое, величая человеколюбие и щедроты Твоя, яко Ты еси Бог милости и щедрот, и Тебе славу возсылаем, со безначальным Твоим Отцем, Пресвятым и Благим и Животворящим Твоим Духом, ныне и присно и во веки веков. Аминь.