(читаются только по благословению духовника) О, великие Христовы угодники и чудотворцы: святой Предтече и Крестителю Христов Иоанне, святой всехвальный апостол и наперстник Христов Иоанне, святитель отец Николае, священномученик Харлампие, великомученик Георгие Победоносче, отец Феодоре, пророк Божий Илие, святитель Никите, мученик Иоанне Воине, великомученица Варваро, великомученица Екатерино, преподобный отец Антоние! Услышите нас, вам молящихся, рабов Божиих (имена). Вы знаете наши скорби и недуги, слышите воздыхания множества к вам притекающих. Сего ради к вам как скорым помощникам и теплым молитвенникам нашим зовем: не оставляйте нас (имена) вашим у Бога ходатайством. Мы всегда заблуждаем от пути спасения, руководите нас, милостивые наставники. Мы немощны есть в вере, утвердите нас, правоверия учители. Мы зело убоги сотворились добрых дел, обогатите нас, благосердия сокровища. Мы всегда наветуемы от врагов видимых и невидимых и озлобляемы, помогите нам, беспомощных заступники. Гнев праведный, движимый на нас за беззакония наши, отвратите от нас вашим ходатайством у престола Судьи Бога, Ему же вы предстоите на небесах, святые праведники. Услышите, молим вас, великие Христовы угодники, вас с верою призывающие и испросите молитвами вашими у Отца Небесного всем нам прощение грехов наших и от бед избавление. Вы же помощники, заступники и молитвенники, и о вас славу возсылаем Отцу и Сыну и Святому Духу, ныне и всегда и во веки веков. Аминь.
(читаются только по благословению духовника) О, великие Христовы угодницы и чудотворцы: святый Предтече и Крестителю Христов Иоанне, святый всехвальный апостоле и наперстниче Христов Иоанне, святителю отче Николае, священномучениче Харлампие, великомучениче Георгие Победоносче, отче Феодоре, пророче Божий Илие, святителю Никите, мучениче Иоанне Воине, великомученице Варваро, великомученице Екатерино, преподобный отче Антоние! Услышите нас, вам молящихся, раб Божиих (имена). Вы весте наши скорби и недуги, слышите воздыхания множества к вам притекающих. Сего ради к вам яко скорым помощникам и теплым молитвенникам нашим зовем: не оставляйте нас (имена) вашим у Бога ходатайством. Мы присно заблуждаем от пути спасения, руководите нас, милостивые наставницы. Мы немощны есмы в вере, утвердите нас, правоверия учители. Мы зело убози сотворихомся добрых дел, обогатите нас, благосердия сокровища. Мы присно наветуеми от враг видимых и невидимых и озлобляеми, помозите нам, безпомощных заступницы. Гнев праведный, движимый на ны за беззакония наша, отвратите от нас вашим ходатайством у престола Судии Бога, Емуже вы предстоите на небеси, святые праведницы. Услышите, молим вас, велиции Христовы угодницы, вас с верою призывающия и испросите молитвами вашими у Отца Небеснаго всем нам прощение грехов наших и от бед избавление. Вы бо помощницы, заступницы и молитвенницы, и о вас славу возсылаем Отцу и Сыну и Святому Духу, ныне и присно и во веки веков. Аминь.