Тропарь, глас 3-й: Без семени от Божественного Духа, волею же Отчею зачала Ты Сына Божия, от Отца без матери прежде век суща, нас же ради из Тебя без отца бывшего, плотию родила Ты и Младенца млеком питала, темже не престай молить избавиться от бед душам нашим. Кондак, глас 5-й: Душ наших чувства очистишь, узрим на иконе таинство преславное, Творца вселенной и Господа вышних сил, во объятиях держимого и от сосца Твоего как Младенца питаемого, и, со страхом и радостью покланяющеся Тебе и рождшемуся от Тебя Спасу нашему, воззовём: Радуйся, Владычица, жизни нашей Питательница. Молитва: Приими, Госпоже Богородительница, слезные моления рабов Твоих, к Тебе притекающих. Зрим Тебя на святой иконе, на руках носящую и млеком питающую Сына Твоего и Бога нашего, Господа Иисуса Христа. Хотя и безболезненно родила Ты Его, но паче материнские скорби ведаешь и немощи сынов и дочерей человеческих видишь. Темже тепло припадая к цельбоносному образу Твоему и умилённо его лобызая, молим Тебя, Всемилостивая Владычица: нас, грешных, осуждённых в болезнях родить и в печалях питать чада наши, милостиво пощади и сострадательно заступи, младенцы же наши, также и родивших их, от тяжёлого недуга и горькой скорби избави. Даруй им здравие и благомощие, да и питаемые от силы в силу возрастать будут, и питающие их исполнятся радостью и утешением, чтобы и ныне предстательством Твоим из уст младенцев и сосущих Господь совершит хвалу Свою. О, Мать Сына Божия! Умилосердись на матерей сынов человеческих и на немощных людей Твоих: постигающие нас болезни скоро исцели, належащие на нас скорби и печали утоли, и не презри слёз и воздыханий рабов Твоих. Услыши нас в день скорби пред иконою Твоею припадающих и в день радости избавления приими благодарное хваление сердец наших. Вознеси мольбы наши ко престолу Сына Твоего и Бога нашего, да милостив будет к грехам и немощам нашим и продлит милость Свою знающим имя Его, чтобы и мы, и чада наши, прославили Тебя, милосердую Заступницу и верную надежду рода нашего, во веки веков. Аминь.
Тропарь, глас 3-й: Без семени от Божественного Духа, волею же Отчею зачала еси Сына Божия, от Отца без матери прежде век суща, нас же ради из Тебе без отца бывша, плотию родила еси и Младенца млеком питала еси, темже не престай молити избавитися от бед душам нашим. Кондак, глас 5-й: Душ наших чувствия очистиши, узрим на иконе таинство преславное, Творца вселенныя и Господа вышних сил, во объятиях держима и от сосцу Твоею яко Младенца питаема, и, со страхом и радостию покланяющеся Тебе и рождшемуся от Тебе Спасу нашему, воззовем: Радуйся, Владычице, жизни нашея Питательница. Молитва: Приими, Госпоже Богородительнице, слезныя моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, а паче матерние скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающие их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О, Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих и в день радости избавления приими благодарное хваление сердец наших. Вознеси мольбы наша ко престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.